Сангийн сайд Ч.Хүрэлбаатар цаг үеийн асуудлаар мэдээлэл өглөө.

-Төрийн өмчийн компаниудтай холбоотой асуудал сүүлийн өдрүүдэд олны анхаарлыг татаад байна?

-Шилэн дансыг бүгдээрээ дагаж мөрдөх ёстой. Гэтэл зарим зүйл дээр гайхаж байна. Тухайлбал, Баян-Өлгий аймагт орон нутгийн төсвөөс байр авч өгөх асуудал яригдаж байна. Зургаан сарын өмнө мөнгө байхгүй. Нийгмийн халамжтай холбоотой өрөө дийлэхгүй байна. Шийдэж өгөөч ээ гээд зөндөө юм болж байсан. Гэтэл байрны тендер зарласанд нь гайхаж байна. Түүнчлэн төрийн өмчит аж ахуйн нэгжүүд дээр нэлээд зардал байна. Эхлээд өр ширнийхээ асуудлыг цэгцэлчихээд ажиллагсдынхаа нийгмийн асуудлыг шийдвэл ойлгож болж байна. Гэвч өр ширтэй, асуудлууд нь хэвээр байхад сүүлд гарсан асуудлыг гайхаад барахгүй.

Тиймээс шилэн дансан дээр гарч байгаа мэдээллүүдийг үндэслээд тэр байгууллагуудын төсвийг төсвийн төлөвлөгөөн дээрээс шууд хас. Хэмжиж болох зардал зөндөө байгаа юм байна. Төсөв хэлэлцэх болохоор манайх мөнгөгүй гээд байдаг. Шилэн дансыг шалгаж байгаа.

-Өнгөрсөн хугацаанд төрийн өмчит компаниудад замбараагүй тогтолцоо бий болчихсон байна. 32 их наяд төгрөгийн хөрөнгө эргэлдэж байдаг мөртлөө ашиг багатай ажилладаг олон байгаа талаар та шүүмжилж байсан?

-2021 оны төсвийг хийхдээ хэд хэдэн зорилт тавьж байсан. Тухайлбал, 2018 оны төсвийг хийхдээ өрийг цэгцлэх асуудлаар зорилт тавьж байсан. Улс орон даяар сургууль, цэцэрлэгийн хүртээмжийг нэмэгдүүлэх байсан. Харин 2019 оны төсвийн зорилт бол утаа, 2020 оных тэр чигтээ коронавирусийн эсрэг арга хэмжээнд зориулагдаад явчихсан. Ирэх оны төсвийг эрүүл мэндийн салбарын шинэчлэл, боловсрол, төрийн өмчит аж ахуйн нэгжүүдийн үр ашгийг сайжруулах зорилт тавиад байна. Засгийн газрын хувьд төрийн өмчит аж ахуйн нэгжийг онцгойлсон нь зөв болж гэж харж байна.

-Г.Ёндон сайдын хувьд журмаар үндэслэж шийдвэр гаргасан гэж тайлыарлаад байгаа. Гэтэл төсвийн мөнгийг үр ашиггүй зарцуулах нь гэмт хэрэг шүү дээ?

-Энэ чиглэлээр яамныхаа хуулийн хэсэгт холбогдох хуулийн заалт, журмыг хар гээд хэлчихсэн байгаа.  

-Нэг аймагт 11 сургууль байхад нэг аймагт нэг ч сургууль байхгүй байна гэдэг шүүмжлэл явж байна. Та тайлыар өгөхгүй юу?

Зарим аймгийнх нь хоёр жилийн өмнө баригдчихсан. Дараагийнх нь удахгүй баригдах гэж байж болно. Цаг хугацааных нь үеэр авч үзээч гэж байгаа юм.

Б.Лхам