Гадаадын иргэн харьяатын газраас визийн ангилал зөрчсөн, жуулчны ангиллаар орж ирчихээд өөр үйл ажиллагаа явуулсан, хугацаа хэтрүүлсэн гадаадын иргэдийг албадан гаргах ажиллагааг байнга явуулж иржээ.

Энэ оны байдлаар гэхэд л 127 иргэнийг албадан гаргасан ба аравдугаар сард гэхэд л хоёр солонгос, нэг филиппин, хоёр хятад иргэнийг албадан гаргасан байна.

Гэвч албадан гаргах ажиллагаа явуулахад ихээхэн хүндрэлтэй байдгийг албаныхан хэлж байна. Тухайлбал, албадан гаргах гэхэд эсэргүүцсэн гадаадын хоёр иргэнийг саатуулжээ.

Тэднийг дуудахад ирдэггүй ба арайхийн ирэхдээ 3.5 сая төгрөгийн авлига өгөхийг завджээ.

ГИХГ-т ажиллаж байсан болон одоо ажиллаж байгаа хоёр хүн “асуудлыг нь шийдэж өгнө”, “визийг чөлөөлнө” гэх замаар гадаад иргэдээс авлига авахыг завдсан хэргийг АТГ-аас шалгаж эхэлснийг мэдээлсэн. Ийм тохиолдол мэр сэр гардаг байна. Цаашдаа дотоод хяналт шалгалтыг сайжруулж, чангатгах шаардлага зүй ёсоор гарч ирснийг энэ жишээ харуулж байна.

У.Тэргэл