Монгол Улсын хөдөлмөрийн баатар, Ардын уран зохиолч, Соёлын гавьяат зүтгэлтэн, Төрийн шагналт, “Болор цом”-ын хошой эзэн Б.Лхагвасүрэн агсны нэрэмжит яруу найргийн наадам ирэх арваннэгдүгээр сарын 23-нд болно.
УДБЭТ-ын тайзнаа болох наадмын нэр нь “Антимир” бөгөөд бүтээлийг арваннэгдүгээр сарын 10-ныг хүртэл Монголын зохиолчдын эвлэлийн байранд хүлээн авах аж. Наадамд оролцох хүсэлтэй найрагчид чөлөөт сэдэвтэй хоёр бүтээлээ бүртгүүлэх юм байна.
Уг наадмыг Монголын зохиолчдын эвлэл болон Б.Лхагвасүрэн агсны үр хүүхэд хамтран зохион байгуулж буй аж. Ташрамд, “Антимир” нэрийг орчуулбал “Ертөнцийн эсрэг” гэсэн утгатай юм байна.
