“Оюутолгой” ХХК-д Монголын Засгийн газрыг төлөөлөх ТУЗ-ийн гурван гишүүний сонгон шалгаруулалтыг  өнгөрсөн есдүгээр сард зарласан билээ.

Тодорхой шалгуур буюу геологи, уул уурхайн чиглэлээр дээд боловсрол эзэмшсэн, магистрын зэрэгтэй, мэргэжлээрээ 10-аас доошгүй жил тогтвортой ажилласан, дадлага туршлагатай байх гэсэн шалгаруулалтад нийт 46 хүн материалаа ирүүлснээс хоёр хүнийг сонгон томилуулахаар болсон байна. Энэ дагуу Засгийн газрын өнөөдрийн хуралдаанаар “Жи Пи Морган” компанид ажиллаж байсан Э.Баясгалан, З.Ган-Очир нарыг ТУЗ-ийн гишүүнээр томилжээ.

Мөн нэг гишүүн нь Ерөнхийлөгч асан Н.Багабанди байх магадлалтай аж. “Оюутолгой”-н Төлөөлөн удирдах зөвлөл нь есөн гишүүнээс бүрддэг ба гурвыг нь Монгол Улсын Засгийн газар томилдог билээ.

У.Тэргэл