УИХ-ын өнөөдрийн ээлжит чуулганаар Түр хорооны бүрэлдэхүүнийг шинэчлэн батлах тухай асуудлаар хэлэлцэж, гишүүдийн олонхийн саналаар бүрэлдэхүүнийг шинэчлэхийг дэмжлээ. Энэ үеэр гишүүд үг хэлснийг хүргэе.

Ж.Сүхбаатар: Түр хороо байгулагдаж байгаа нь цагаа олж байна. Өчигдөр Францад үндэсний хэмжээнд эргээд хөл хорио тогтоолоо. Англи улс ч хязгаараллтуудаад дахин эхлүүлж байна. Бидний хувьд урьдчилан сэргийлэх үүднээс сулруулсан хяналтаа нэмье. ОХУ-д байдал хүнд болсон байна. Хаа хаанаа маск зүүх нь сулраад байгаа. Тиймээс бидний хувьд үлгэр дуурайл үзүүлэх нь чухал. Ийм ажил хийхийг Түр хорооноос хүсье.

Ц.Даваасүрэн: Эдийн азсгийн сөрөг үр дагавруудыг эргэж харахгүй бол болохгүй нь. Ялангуяа нүүрсний гаралтай экспортын орлого ирэх жил мэдэгдэж магадгүй. Үнийн өөрчлөлт гарахад хүндрэлүүд үүснэ. 21 хоног тусгаарладаг асуудал дэлхий дээр зөвхөн Монгол Улс л бий. Бусад улс 14 хоног тусгаарлаж байна. 21 хоног тусгаарлахаар хэн ч орж ирдэггүй юм байна. Улмаар томоохон төслүүд дээр хамтран ажиллах боломжгүй болоод байна. Тиймээс энэ чиглэл дээр Түр хорооныхон анхаараад тусгай буудал гаргах уу. Бизнесийнхээ чиглэлийг анхаарахгүй бол болохгүй байна. Валютын нөөц хоног хоногоор дундарсаар нэг өдөр ханш өснө. Гадаад харилцааны асуудал дээр онцгой нөхцөл байдал бий болгох хэрэгтэй. Гадаад ертөнцөөс тасарч болохгүй.

Б.Лхам