Баянгол дүүрэгт шинээр сонгогдсон төлөөлөгчид дүүргийн ИТХ-ын анхдугаар хуралдааныг цаг хугацаанд, хуулийн дагуу явуулахыг шаардаж, жагсаал зохион байгууллаа.  

Тэдний зүгээс НИТХ-ын анхдугаар хуралдаанаа хууль журмын дагуу явуулаагүй, төрийн эрх мэдлийг хууль бусаар авахыг санаархаж байна гэдгийг онцоллоо. Тодруулбал, энэ сарын 29-ний өдрөөс эхлэн тус дүүргийн хороод хууль бусаар шөнийн цагаар хороодын нийтийн хурлыг зарлажээ.

Баянгол дүүргийн 16 дугаар хорооноос сонгогдсон төлөөлөгч н.Жаргалсүрэн “Өчигдөр 20.30 цагт Иргэдийн нийтийн хурал болох гэж байна гэсэн. Намайг очих үед 16 дугаар хорооноос сонгогдсон АН-ын гишүүд байсан. Энэ хорооны Иргэдийн хурал болсон бол яагаад хэлээгүй юм бэ гэхэд энэ хүнийг оролцуулахгүй гээд чирж гаргасан. Эхлээд хорооны нийтийн хурал гэснээ намын хурлаа хийж байна гэж тайлбарлаад байгаа. Тиймээс хуулийн дагуу ажиллахыг шаардаж байна” гэлээ.

А.Сүх