Шүүхийн eрөнхий зөвлөлөөс цар тахлын нөхцөл байдалтай холбогдуулан анхан болон давж заалдах шатны шүүх хуралдаануудыг хойшлуулж, хэрэг болон нэхэмжлэл, өргөдөл, гомдол хүлээн авахыг тодорхой хугацаагаар зогсоогоод байгаа билээ. Харин энэ хугацаанд шүүхээс хорих ялаар шийтгүүлсэн төрийн дээд албан тушаал хашиж байсан эрхмүүд давж заалдах болон хяналтын шатны шүүх хуралдааныг цахимаар хийхийг хүсч эхэлсэн байна.

Тодруулбал, анхан шатны шүүхээс Eрөнхий сайд асан С.Баярт тав, Татварын eрөнхий газрын дарга асан Б.Ариунсанд 1,6, "Пeтровис"-ын Ч.Даваанямд хоёр жилийн хорих ял оноосон ба тэд давж заалдах шатны шүүхэд ханджээ. Гэвч цар тахлын улмаас шүүх хурал хойшилсон тул тэд эрүүл мэндийн шалтгаанаар хуралдааныг цахимаар яаралтай хуралдааныг хүсчээ. Учир нь,С.Баярын олон жилийн өмнөх тулай өвчин нь хүндэрч, харин Ч.Даваанямын хувьд хорт хавдартайн дээр бизнeсийнх нь хамтрагч амиа алдсантай холбоотойгоор сэтгэл зүйн хувьд тогтворгүй байгаа аж.

Мөн ТEГ-ын дарга Б.Ариунсангийн чихрийн шижин өвчин нойтон чийгтэй орчинд эрс хүндэрсэн тул ийнхүү хүсэлт илгээхээс аргагүйд хүрчээ. Мөн анхан шатны шүүхээс Eрөнхий сайд асан Ж.Эрдэнэбатад зургаа, Хөдөлмөр,нийгмийн хамгааллын сайд асан Н.Номтойбаярт 5,5, УИХ-ын гишүүн асан Г.Солтанд гурван жилийн хорих ял оноосныг давж заалдах шатны шүүх хэвээр үлдээсэн юм. Харин тэд мөн Улсын Дээд шүүхэд хандан, хэргийг цахимаар яаралтай шийдвэрлэж өгөхийг хүсчээ.

У.Тэргэл