Коронавирусний халдвар өдөр бүр нэмэгдэж байгаа ч яг хаана амьдарч байсан хүнээс халдвар илэрсэн, халдвартай иргэд шинж тэмдэггүйгээр олон хүнд халдвар тараасан юм биш биз гэх хардлага олон нийтийн дунд байгаа. Тэгвэл энэ талаар ЭМЯ-ны хэлтсийн дарга Д.Нарангэрэл "Коронавируст халдвар нь агаар дуслын замаар халддаг учир энэ өвнөөр хэн ч өвчлөх магадлалтай, эрсдэлтэй. Тиймээс хэн энэ өвчнөөр хэн өвчилсөн бол гэж айхын оронд амны хаалтаа зүүж, хүн хоорондын зайгаа барьж, гараа сайтар савандаж угааж байвал та энэ өвчнөөр өвдөх эрсдэл бага. Та амны хаалт зүүсэн бол энэ өвчнөөс 90 хувь хамгаалагдаж байна гэж бодох хэрэгтэй. Тодруулбал, автобус, эмийн сан зэрэг газарт өвчтэй хүнтэй таарсан ч амны хаалттай бол өөрийгөө хамгаалж чадаж байна гэсэн үг юм" гэлээ.
Б.Баатар
