Нийслэлийн Засаг даргын орлогч Ж.Сандагсүрэн "Шилжилт хөдөлгөөнтэй холбоотой олон өргөдөл авч байна. Шийдвэрлэхээс өөр аргагүй олон зүйл байна. Бид ажлуудаа эрэмбэлж байгаа. Хөдөө орон нутгийн иргэдээс шинжилгээ аваад нийслэлээс гаргах боломж бүрдсэн. Гол нь орон нутагт эдгээр хүмүүсийн хөл хориог хэдий хугацаанд барих баталгааг бидэнд өгөх вэ гэдэг дээр УОК-т асуудал тавьж байгаа. Энэ асуудал шийдэгдэхэд Улаанбаатарт байгаа иргэдээс PCR болон түргэвчилсэн оношлуураар шинжилгээ аваад орон нутаг руу буцааж болно. Хамгийн гол нь гэртээ очоод хөл хорионд байх шаардлагатай. Энэ баталгааг орон нутгийн удирдлагууд хангаж ажиллах талаар бид ярилцаж байгаа" гэлээ.

Б.Баатар