Эрүүл мэндийн яамны ээлжит мэдээллийн үеэр сэтгүүлчидтэй цахимаар холбогдон тэдний асуултад хариуллаа.

ЭМЯ-ны хэлтсийн дарга Д.Нарангэрэл "Дархлаа тогтоох хоёр арга бий. Нэг нь сайн унтаж амрах, агаарт гарах, дасгал хөдөлгөөн хийх зэргээр дархлаагаа сэргээдэг. Нөгөө нь вакцинаар дархлаагаа сэргээдэг. Ковидын үед 140 гаруй вакцин туршилтад явж байгаагаас 10 вакцин сайн явж байна.

Засгийн газар долдугаар сараас эхлэн ковидын вакциныг нэвтрүүлэх талаар төлөвлөгөө гарган донор орнуудад хүсэлт гаргасан.

Дөрвөн байгууллага хамтран ядуу буурай орнуудад зориулсан хөтөлбөр хэрэгжүүж байгаа. Уг хөтөлбөрт бид албан ёсоор нэгдэх хүсэлтээ тавьсан. Ингэснээр вакцин эхний ээлжинд нийлүүлэх орны тоонд багтаад байгаа. Эхний ээлжинд хүн амын 20 орчим хувийг хамруулах вакцин орж ирнэ. Үүгээр ахмад настан болон хууч өвчтэй иргэд, голомтод ажиллаж байгаа алба хаагчдад хийнэ. Ингээд хүн амын нийт 60 гаруй хувийг хамруулахаар болсон" гэлээ. 

А.Сүх