Эрүүл мэндийн яамнаас цаг үеийн асуудлаар мэдээлэл хийлээ.

11.00 цагийн мэдээллээс хойш коронавирусний батлагдсан тохиолдол 629 болсон байна. Энэ талаар ХӨСҮТ-ийн Тандалт, судалгааны албаны дарга А.Амбасэлмаа "ХӨСҮТ-д одоогийн байлаар 282 хүн эмчлүүлж байна.

11.00 цагийн мэдээллээс хойш Дорноговь, Дархан-Уул аймаг болон нийслэлд өвчлөл нэмж бүртгэгдээгүй.

Харин Сэлэнгэ аймагт 21 тохиолдол бүртгэгдэж, нийт тохиолдол 94 боллоо.

Сэлэнгэ аймагт хавьтлыг илрүүлэх ажил өргөн хүрээтэй явагдаж байна. УОК-оос баг томилогдон ажиллаж байна.

Мөн Орхон, Дорноговь аймаг болон Мандал суманд шуурхай хариу арга хэмжээний баг ажиллаж байгаа. Мөн Замын-Үүд суманд шинжилгээ шууд хийж эхэлсэн. Батлагдсан тохиолдлын ойрын хавьтал, ойрын хавьтлын хавьтлыг шинжлэх ажил үргэлжилж байна. Хавьтлын ойрын хавьтлыг 2-3 удаа шинжилгээнд хамруулж байж гаргана" гэлээ.

А.Сүх