Эрүүл мэндийн яамнаас шинэ төрлийн коронавируст халдварын талаар ээлжит мэдээлэл хийж байна.

ХӨСҮТ-ийн Тандалт судлалын албаны дарга А.Амбасэлмаа "2020 оны 22-ны өдрийн 11 цагийн мэдээллээс хойш ХӨСҮТ-ийн вирус судлалын хоёр лаборатори, Сэлэнгэ аймагт ажиллаж байгаа ЗӨСҮТ-ийн вирус судлалын явуулын лабораторид нийт 4335 хүнд шинжилгээ хийхэд 32 хүнээс коронавирус илэрлээ.

Улаанбаатар хотод гурван хүнээс халдвар илэрч, нийт тохиолдол 54 боллоо. Тодруулбал Буянт-Ухаа хороололд батлагдсан тохиодолтой хамт төрсөн өдрийн баярт оролцсон 46 хүнээс нэгд нь халдвар илэрсэн. Мөн Төмөр замын өрхийн эрүүл мэндийн төвийн сувилагчаас халдвар илэрсэн. Энэ хүн нь өмнөх батлагдсан тохиолдолтой хавьтал болсон байсан.   

Мөн Сэлэнгэ аймагт 26 тохиолдол шинээр илэрлээ. Ингээд тус аймгийн нийт тохиолдол 124 боллоо. Говьсүмбэр аймагт ойрын хувьлын 84 хүнд шинжилгээ хийхэд гурван хүний сорьцод коронавирус илэрлээ. Мөн Алтанбулагийн боомтоор ирсэн нэг хүний давтан шинжилгээнд коронавирус илэрсэн. Харин Дархан, Дорноговь, Орхон аймагт тохиолдол бүртгэгдсэнгүй. Монгол Улсын хэмжээнд бүртгэгдсэн халдварын тохиолдол 672, дотоодод тархсан халдвар 235 боллоо. Үүнээс биеийн байдал хүнд 2 хүн, хүндэвтэр 44 хүн, хөнгөн 277 хүн байна.

Шинээр батлагдсан хүмүүс ойрын болон дам хавьтал буюу хамт үзвэр үзсэн, хамт хоол идсэн, караокед орсон, бариа засал хийсэн гэх мэт замаар халдвар авсан нь тогтоогдоод байна. 

Хатуу хөл хориог тогтоож, хариу арга хэмжээг яаралтай авсан нь халдварын голомтыг хумьж, хавьтлыг тогтооход чухал үүрэгтэй байна. Энэ байдлаараа цааш үргэлжилвэл халдварыг 1-2 сарын хугацаанд хяналтандаа авах боломжтой байгаа. Тиймээс төр засгийн зүгээс авч хэрэгжүүлж буй ажлыг ард түмэн дэмжиж халдвар хамгааллын дэглэмээ сайтар сахих нь чухал байна.  

Б.Батчимэг