Сэлэнгэ аймгийн онцгой комисс хуралдаж, гаргасан шийдвэрээ танилцууллаа.

Аймгийн Онцгой комиссын дарга Ш.Оргил “Мэдээллийнхээ эхэнд Сэлэнгэ аймагт нөхцөл байдал хүнд байгаа талаар онцолъё. Онцгой комисс, төрийн албан хаагчид голомтыг илрүүлэх, цааш тархахаас сэргийлэх бүхий л арга хэмжээнүүдийг цаг алдалгүй авч байна.

Аймгийн хэмжээнд нийт батлагдсан 124 тохиолдлын 47 иргэнийг түргэвчилсэн болон PCR оношлуураар баталгаажуулсан. Харин 77 иргэнийг ойрын хавьтлаас нь тандалт, судалгаагаар илрүүлсэн.

Ойрын 1033, дам 638 хавьтал, нийт 1671 хавьтлыг тогтоосон. Тандалт, судалгааны ажил үргэлжилж байна. Өнөөдөр батлагдсан 24 тохиолдлын дахин ойрын хавьтал, дам хавьтал гэж явна. Ингээд явахаар их ярвигтай, хүндрэлтэй болж байгаа юм.

Сүхбаатар суманд түргэвчилсэн болон PCR-н шинжилгээнд 17752 иргэн хамрагдсанаас 119 тохиолдол илрээд байна. Харин Мандал суманд 4985 иргэн хамрадсанаас гурван тохиолдол, Алтанбумалг суманд 1863 иргэн хамрагдсанаас хоёр тохиолдол илэрч ХӨСҮТ-д хүргэгдээд байна. Шинээр илэрсэн 24 тохиолдол бүгд Сүхбаатар сумаас батлагдсан. Тиймээс орох, гарах хөдөлгөөнийг хориглох дэглэмийг хэвээр үргэлжлүүлж, бусад сумдуудад хөл хорионы дэглэмийг үргэлжлүүлнэ.  

Иргэддээ хандаж хэлэхэд шинжилгээндээ идэвхтэй хамрагдаарай. Энэ бол хэлж биш хийсэж ирдэг өвчин. Гэмт хэрэг биш. Санаа зовох хэрэггүй гэдгийг ахин дахин сануулъя" гэлээ. 

А.Сүх