Коронавируст халдварын цар тахлаас урьдчилан сэргийлэх түр хорооны хуралдаан болж байна. Энэ үеэр гишүүд тогтоолын төсөлтэй холбогдуулан санал хэллээ.

Н.Алтанхуяг: Цахим орчин дахь мэдээллийн аюулгүй байдлыг хангах ийм зүйлийг УИХ-ын тогтоолоор өгөөд байхдаа яадаг юм. Хасах хэрэгтэй. Мөн вакцин гарахаар угаасаа л оруулж ирж таарна. Ийм юм оруулах хэрэгтэй юм уу. Харин ирэх оны төсөвт яаралтай тодотгол оруулах санал оруулж иргэн, аж ахуйн нэгжээ дэмжих сан байгуулъя. 

Л.Энх-Амгалан: Тогтоолын төслийг дэмжинэ. Харин Засгийн газарт үүрэг өгч байга учраас хэд хэдэн зүйлийг анхааруулмаар байна. Бид Дэлхийн банкны 50 сая ам.доллараар вакцин авах асуудал яриад байна. Гэтэл ЭМДС-нд мөнгө байгаад байна. Энэ мөнгийг одоо л зарцуулах ёстой. Дан ганц Дэлхйн банкыг хараад сууж байж болохгүй. Төсвийн мөнгө биш. Намайг битгий эрсдэлд оруулаарай. Хэрэв эрсдэл тулгарвал энэ мөнгийг хэрэглэнэ гээд өгч байаа иргэдийн мөнгө.

Хоёрдугаарт, томилгооны асуудал байна. Орон нутгийн сонгуулийн үр дүнгээр байгуулагдсан аймаг, сумдын хэд нь эзэнтэй байна вэ. Ийм нөхцөлд эзэнгүй суугаад байж болохгүй. Өнөөдөр 330 сум эзэнгүй байна шүү. Хэн хариуцлага хүлээх вэ дараа нь.

Гуравдугаарт, PCR шинжилгээг бүсчилсэн байдлаар явуулмаар байна. Баян-Өлгий аймагт авсан шинжилгээг нийслэл рүү явуулж байж шинжлүүлж байж болохгүй.

Б.Лхам