Бүх нийтийн бэлэн байдлын зэрэгт шилжүүлсэнтэй холбоотойгоор "Тавантолгой түлш" ХХК онцгой горимд үйл ажиллагаагаа явуулж, түлш үйлдвэрлэл, нөөцлөлт, түгээлтийн ажлыг зохион байгуулж байгаа аж.

Тухайлбал, сайжруулсан шахмал түлшний хот доторх түгээлтийг тээврийн 22 компани, 225 автомашинаар гүйцэтгэж байгаа юм байна.

Өнгөрсөн 24 цагийн байдлаар, сайжруулсан түлшний хоёр үйлдвэрт 283 ажилтан ажиллаж, нийт 2778,9 тонн сайжруулсан шахмал түлш үйлдвэрлэсэн байна.

Харин түлшний 95 тонн нөөц бий бөгөөд нийслэлийн төвийн зургаан дүүргийн хэмжээнд шахмал түлш борлуулах 610 цэг ажиллаж байгаа аж.