Коронавируст халдварын цар тахлаас урьдчилан сэргийлэх түр хорооны хуралдаан болж байна. Энэ үеэр Түр хороон гишүүд зарчмын зөрүүтэй санал оруулсан юм. Зарчмын зөрүүтэй саналаар санал хураалт явуулж байна. 

М.Оюунчимэг: Гол нэрийн бараа бүтээгдэхүүний үнийг хөөрөгдөхгүй байхад бодлого боловсруулах гэсэн байна. Аль хэдийн боловсруулсан гэж ойлгож байгаа. Дахин үүрэг өгөх шардлага байна уу. Мөн Тайвань болон бусад улсын төр засгийн шийдвэрт онцлох зүйл нь иргэд рүүгээ чиглэсэн заалтыг оруулж өгсөн байдаг юм байна лээ. Сүүлийн үед цагдаа ч буруутай юм шиг, иргэд ч буруутай юм шиг нөхцөл байдал үүсээд байна. Тодорхой заалт оруулж өгмөөр байна. Хоёрдугаарт, энэ тогтоол хэрэгжих ёстой.

С.Бямбацогт: Тогтоолын төслийн зургадугаар заалт дээр олон нийтийн цахим хуудаст эмх замбараагүй байдал бий болгох асуудлыг тусгасан байна. Мөн энэ дээр хүний эрх, эрх чөлөөний асуудлыг хангах талаар анхаарах ёстой. Тэгэхгүй бол халдвар туссан ирггэний талаарх мэдээлэл цахим сүлжээгээр их явж байна.

Хоёрдугаарт, өдрийн орлогоор амьдардаг иргэд их хүнд байна. Тиймээс тэдэнд чиглэсэн арга хэмжээ хэрэгжүүлэх хэрэгтэй байна. Дараа нь УИХ-ын үйл ажиллагааг саадгүй явуулахад анхаарах ёстой шүү.

Б.Лхам