Сэлэнгэ аймагт нөхцөл байдал хүндэрч байгаа бөгөөд Сүхбаатар суманд гарч буй тохиолдлоын дийлэнх нь илэрч байгаа талаар аймгийн Онцгой комиссын дарга Ш.Оргил өнөөдөр мэдээлсэн.
Тэрбээр одоогийн байдлаар нийт 17752 иргэн PCR-ийн шинжилгээнд хамрагдаад байгаа бөгөөд аймгийн хэмжээнд нийт батлагдсан 124 тохиолдлын 47 иргэнийг түргэвчилсэн болон PCR оношлуураар баталгаажуулсан. Харин 77 иргэнийг ойрын хавьтлаас нь тандалт, судалгаагаар илрүүлсэн гэсэн юм.
Тэгвэл аймгийн Онцгой комисс дахин хуралдаж аймгийн хэмжээнд энэ сарын 26-ны өдрийг хүртэл гурав хоноийн хугацаанд тэг зогсолт хийхээр болжээ. Ингэхдээ хүнсний дэлгүүрүүдийг ч хаах аж.