УОК-ын Шуурхай штабын дарга, хурандаа Б.Ууганбаяр "Нийслэлийн 29 тусгаарлах байранд 1366 иргэн, орон нутгийн 39 тусгаарлах байранд 894 хүн ажиглагдаж байна. Өчигдөр гэрийн ажиглалтад 165 иргэн шилжсэн. Тэдгээр хүмүүс гэрийн ажиглалтад дэглэмээ сайтар баримтлах шаардлагатай.

Мөн өчигдөр орой ЗТХЯ, Шуурхай штаб, цагдаагийн байгууллага, НОК, Нийслэлийн шуурхай штаб, Нийслэлийн эрүүл мэндийн байгууллага хамтраад ууланд самар түүсэн иргэдийг Улаанбаатар хот руу төмөр замаар татах ажиллагааг нэгдсэн зохион байгуулалттайгаар явууллаа.

Зүүнхараа буюу Сэлэнгэ аймгийн Мандал сумын өртөөнөөс 433 иргэн ирсэн. Шөнөдөө бид Нийслэлийн эрүүл мэндийн газраас PCR шинжилгээ авах ажиллагааг зохион байгуулаад, өнөөдөр өглөө нэгдсэн зохион байгуулалттай гэрт нь хүргэх, түгээх ажлыг зохион байгуулж ажиллаж байна. Эдгээр иргэд гэрийн дэглэм сахиад, шинжилгээний хариу гартал хөдөлгөөн үйлдэхгүй байхыг бас давхар сануулъя.

Нийслэл болон халдвар илэрсэн аймгуудад нэг ээлжиндээ 7304 албан хаагч үүрэг гүйцэтгэж байна" гэлээ.

Б.Бат