Төсвийн байнгын хороо Үнэсний Аудитын газрын “Шилэн данс”-ны тайлантай танилцлаа. Энэ үеэр гишүүг үг хэлж, асуулт асуусныг хүргэе.
Энэ үеэр УИХ-ын гишүүн Б.Пүрэвдорж “УИХ-ын сонгуульд цүнх баригчид, Орон нутгийн сонгуульд ИТХ-ын нэр дэшигчдэд цүнх барьсан хүмүүс Төрийн өмчийн компанид очиж суудаг болсон. Цүнх барьсан хүнийхээ хамаатсан садан, найз нөхдийг бүгдийг нь авааччихаад тонон дээрэмддэг асуудал төрийн өмчийн гэж нэрлэгддэг хувийн өмчийн компаниуд дээр бий болж байгаа.
Дураараа дургиж, дунд чөмгөөрөө жиргэж байна. 200 сая төгрөгөөр авсан автомашинаа хоёр жил уначхаад 5 сая төгрөгөөр хувьдаа авч байгаа ийм үзэгдэл байна. Энэ дээр нь хариуцлага тооцохгүй болохоор идээд байж болдог гэдэг буруу зүйл бий болгоод байна.
Үүнтэй Аудитын байгууллага тэмцэж, тодорхой баримтууд гаргаж ирэх ёстой. Энэ ажлаа хийхгүй байна. Тиймээс ойрын хугацаанд 500 компаниудыг шалгалтад бүрэн хамруул. Ялангуяа төрөөс татаас авдаг компаниудыг хувьчлах ажлыг хийх ёстой.
Төрийн нэртэй хувийн өмчийн компаниудад тонон дээрэмдүүлсээр байгаад дуусах нь.
Хэрээс хэтэрч байгаа нь “Шилэн данс”-аар ил болж байгаа. Тиймээс татаас авдаг компаниудыг хувьчлах саналыг Аудитын байгууллага Засгийн газарт оруулж энэ асуудлыг шийдэх хэрэгтэй” гэлээ.
А.Сүх
Сэтгэгдэл (4)