Сэлэнгэ аймгийн Онцгой комиссын дарга Ш.Оргил цаг үеийн асуудлаар мэдээлэл хийлээ.

Галт тэргээр болон авто замаар өчигдөр нийт 1089 иргэнийг урьдчилан шинжилгээнд хамруулж буцаасан. Сүхбаатар сумаас гарах бусад аймаг, нийслэлийн иргэдээ өчигдрөөс эхлэн албан ёсоор судалгааг нь авч эхэлсэн. Эдгээр иргэдээ PCR шинжилгээнд хамраалж, баталгаажуулж байж гаргана.

Мөн өнөөдрөөс эхлэн 1, 2, 3 дугаар багууд дээр эрт илрүүлгийн оношилгооны багууд ажиллаад дуусч байна. Ингэснээр 80 хувьдаа хүрч байна гэсэн үг. Эхний удаад иргэдийг ямархуу байна гэдгийг тогтоогоод авчихлаа. Үүгээр маш олон шинж тэмдэг илрээгүй тохиолдлуудыг илрүүлж авлаа. Энэ бол маш том ажил.

Явуулын 25 баг ажиллаж байгаа. Маргаашнаас ойрын хавьтлуудаас цаг алдалгүй очиж шинжилгээ хийнэ. Мөн зарим хэсгийн иргэдээс дуудлагаар очиж шинжилгээ авна.

Өнөөдрийн илэрсэн 20 тохиолдол Сүхбаатар сумаас гарсан. Тиймээс Сүхбаатар сумынхаа иргэдэд хандаж хэлэхэд ойрын хавьтал маш их болж байна. Ойрын хавьтлын 1030 хүнээс шинжилгээ авахад 20 хүнээс халдвар илэрч байна. Энэ хүмүүсийн нэгдүгээр хавьтал хэн байна гээд дахиад л ажил ундраад байгааг та бүхэн ойлгоорой. Ойрын хавьтлуудаас хэд гарах бол. Гарч ирсэн тохиолдолд тэр хүний ойрын хавьтал гэж хайж эхлэх учраас хүндрэлтэй байгааг онцолж хэлье” гэлээ.

А.Сүх