УИХ-ын чуулганы хуралдаан эхэллээ. Энэ үеэр Ерөнхийлөгч Х.Баттулга Шүүхийн багц хуулийн төслөө татлаа. 

Тэрбээр энэ үеэр "Шударга байсан сайхан шүүхийн тогтолцоог Ерөнхийлөгч, ҮАБЗ нураасан юм шиг иргэдийг өдөөн турхирч, мушгин гуйвуулж засаж сайжруулж байгаа мэтээр жижиг улстөр хийж байгаад нь харамсаж байна. ҮАБЗ үндэсний эв нэгдлийн төлөө эвлэлдэн ажилладаг. Жижиг асуудлаар биш. Шүүгчийн бүрэн эрхийг түдгэлзүүлдэг, өөрсдийн эрх ашигт нийцүүлж халж сольдог гэвэл өрөөсгөл.
Өнгөрсөн хугацаанд ҮАБЗ-өөс нэг удаагийн зөвлөмж гарсан.
Энэ нь шүүгчдийн гэмт үйлдлийг шалгуулах, албан  тушаалаа ашигласан шүүгч нарын асуудлаар юм. Улмаар Шүүхийн ерөнхий зөвлөлөөс хүлээн авч зарим шүүгчдийн гэм буруутай нь тогтоогдон ял авч, буруугүй нь албан ажлаа үргэлжлүүлэн хийж байгаа. 
Үүнийг хууль тогтоогч та нар мушгин гуйвуулах хэрэггүй.

Тиймээс өргөн мэдүүлсэн Шүүхийн багц хуульд шүүгчийн бүрэн эрхийг түлгэлзүүлэх шаардлагагүй гэдгийг тов тодорхой илэрхийлсэн. Шударга үр дүнтэй тогтолцлог сайжруулах бодлого, тогтолцоо боловсруулсан ч МАН-ын улс төрийн шийдвэрээр хэлэлцэхгүй болжээ. 

Өмнөх Засгийн газраас боловсруулсан Шүүхийн тухай хуулийн нэмэлт, өөрчлөлтийг шүүмжлэлтэй хандаж байна. Ухралт хийсэн, олон нийт, судлаачдаар хэлэлцүүлээгүй хариуцлагагүй хуулийн төсөл болсон. Үндсэн хуулийг үнэгүйдүүлж байна. Хууль тогтоогч та бүхэн үүнийг анхаарч, үндсэн хуулийн нэмэлт өөрчлөлтийн зорилтод нийцүүлж хийх шаардлагатай байна. 

Үндсэн хуулийн суурь үзэл санааг, шударга бус байдлыг улам гажуудуулах, ухарсан хуулийн төсөл болсон.

УИХ хуулийн төслийг байгаа байдлаар нь хэлэлцэхээр болсон нь дээрх алдаа дутагдал арилах зүйл харагдахгүй байна. Тийм атал миний өргөн мэдүүлсэн хуулийн төслийг ач холбогдолгүй гээд буцаасан. Хэдий тийм боловч төрийн тэргүүний хувиар өргөн мэдүүлсэн төслийнхөө хүрээнд саналаа тусгая. Шүүгчийн хараат бус байдал гэж дөвчигнөхөөс сахилга хариуцлагыг ярихгүй байгаа нь гайхашрал барж байна" гэлээ.

Б.Лхам