ЭМЯ-наас коронавирусний халдварын талаарх ээлжит мэдээллээ хийж байна. 

ХӨСҮТ-ийн Тандалт, судалгааны албаны дарга А.Амбасэлмаа "2020 оны 11 дүгээр сарын 26-ны 11:00 цагаас хойш улсын хэмжээнд нийт 18031 хүнд шинжилгээ хийхэд 26 хүнд халдвар илэрлээ.

Улаанбаатарт 2 шинэ тохиолдол бүртгэгдсэн бөгөөд өмнөх тохиолдлын ойрын хавьтал учир халдвартын клиникт тусгаарлагдаж байсан.

24 цагийн хугацаанд Сэлэнгэ аймагт 9, Дархан-Уул аймагт 11, Орхон аймагт 1, Дорноговь аймагт 2 тохиолдол шинээр батлагдлаа. Мөн ХӨСҮТ-ийн нэг ажилтнаас халдвар илэрлээ. Ингээд дотоодод бүртгэгдсэн халдвар 300  боллоо. Тодруулбал Улаанбаатарт 65, Дархан-Уул 33, Дорноговь 20, Орхон 22, Говьсүмбэр 3, Сэлэнгэ аймагт 157 тохиолдол бүртгэгдсэн байна.

Өнөөдөр хоёр хүн эдгэрч ХӨСҮТ-өөс сувиллын ажиглалтад шилжиж байна. Монгол Улсад нийт батлагдсан тохиолдол 738 болсон бөгөөд үүнээс 347 хүн эдгэрсэн. Харин 384 хүн эмчилдэж байна. Үүнээс нэг хүний биеийн байдал маш хүнд байгаа. Энэ хүн 80 настай бөгөөд архаг хууч өвчинтэй хүн юм. Хүнд 5, хүндэвтэр 72, хөнгөн 306 хүн эмчлэгдэж байна. Насны хувьд 2-90 насныхан байна. Халдварын нууц үеийн хугацааг 14 хоног гэж үздэг. Энэ хугацааны 5-7 хоногт вирусний халдварын шинж тэмдэг илэрч байгаа нь судалгаанаас ажиглагдаж байна" гэв. 

Б.Баатар