УИХ-ын өнөөдрийн цахим чуулганаар Төсвийн байнгын хорооноос дэмжсэн Будаа, ургамлын тос, өвс тэжээлийн гаалийн татвараас чөлөөлөх хуулийн төслийг хэлэлцэж байна.

С.Ганбаатар: Үг дайвал хасагдана. Мэнд дайвал нэмэгдэнэ гэдэг шиг З.Мэндсайхан сайд аа иргэдэд 40 тэрбумыг дайж байгаа. Энэ мөнгө хэдэн компаниудын гараар ороод алга болчих вий гэдгийг гишүүд сануулаад байгаа хэрэг. Гааль, НӨАТ-аас 16 хувиар чөлөөлөөд байхад үнийг хадгалнаа гээд байх юм. Энэ бол луйвар. Үүний оронд энэ мөнгөө иргэддээ өгсөн дээр. Малын тэжээл, өвс гаалиар орж ирээд хаана очиж байгаа юм. Хаана өртөг нэмэгдээд байгаа гэдэг шинжилгээ тооцоо, байгаа юу.

З.Мэндсайхан: Хуулийн төслийг боловсруулахдаа мэргэжлийн байгууллага, мал аж ахуйн байгууллагын төрийн бус байгууллагаас санал авсан. Үнэ хаана нэмэгдээд байгаа гэдгээс илүү эрэлт, нийлүүлэлтийг нэмэгдүүлэхээр ажиллаж байгаа. Хөнгөлж байгаа татваррын хувь хэмжээгээр зохиомол эрэлт биий болохоос урьдчилан сэргийлж хуулийн төслийг өргөн барьж байгаа.

Б.Лхам