УИХ-ын өнөөдрийн цахим чуулганаар Төсвийн байнгын хорооноос дэмжсэн Будаа, ургамлын тос, өвс тэжээлийн гаалийн татвараас чөлөөлөх хуулийн төслийг хэлэлцэж, байнгын хороон саналыг хэлэлцэх нь зүйтэй гэж үзлээ. Төслийг хэлэлцэх нь зүйтэй гэж үзсэн учраас анхны хэлэлцүүлэгт бэлтгүүлэхээр хүргүүллээ. Энэ үеэр гишүүд санал хэлсэн юм. 

Д.Тогтохсүрэн: Хүнсний зарим төрлийн бүтээгдэхүүн, малын өвс, тэжээлийг Гааль болон НӨАТ-өөс чөлөөлөх ажлыг дэмжиж байгаа. Гэхдээ санал хэлье. Засгийн газар цар тахалтай холбогдуулан 23 арга хэмжээ авахаар шийдвэрлэсэн. Харин энэ хуулийн төсөлд Засгийн газрын зарим арга хэмжээ тусгагдаагүй байна. Хоёрдугаарт, хуулийн төслийг тавдугаар сарын 1 гэснийг долдугаар сарын 1 болгооч. Гуравдугаарт, өвс, тэжээлийн үнэ өсөж байгаа нь үнэн. Олон талын зүйл нөлөөлж байгаа байх. Тиймээс үнийг нэмэгдүүлэхгүй байх, нийлүүлэлтийг нэмэгдүүлэхэд Засгийн газар анхаарах хэрэгтэй байна.

Л.Энх-Амгалан: Энэ ААН-үүд байнгын татвар авах гээд ХХААХҮЯ-ны хаалгыг сахиад суучихдаг. 40 тэрбум төгрөг хөнгөлж байгаа гэсэн ч эх үүсвэр нь 100 тэрбум. Иргэдийн гар дээр очих үнэ нь буурч байж би энэ хуулийг дэмжинэ. Түүнээс нааш дэмжиж болохгүй. Нийт ААН-ийн 80 хувь нь 90 хоног цалингаа тавьж чадна. Түүнээс цааш чадахгүй. Хувиараа бизнес эрхлэгчдийн 72 хувь нь зогссон.

Аж ахуйн нэгжүүд чинь хаалгаа хаах нь байна. Нийт ААН-ийн 55 хувь нь татварын хөнгөлөлт авахыг хүсэж байна. Алагчлалгүйгээр бодлого гаргах ёстой.

Б.Лхам