Эрүүл мэндийн яамнаас коронавирусний халдварын талаар ээлжит мэдээллийг хийж байна.

ХӨСҮТ-ийн Тандалт судлалын албаны дарга А.Амбасэлмаа "2020 оны 11 дүгээр сарын 27-ны өдөр ХӨСҮТ-ийн вирус судлалын лаборатори, ЗӨСҮТ-ийн вирус судлалын явуулын лабораторид нийт 11929 хүнд шинжилгээ хийхэд 22 хүнээс халдвар илэрлээ.

Үүнээс Улаанбаатарт 5 тохиолдол бүртгэгдсэн. Эдгээр хүмүүс нь халдвар авсан хүмүүсийн ойрын хавьтал болон тусгаарлалтад байсан хүмүүс юм. Ингээд Улаанбаатар гарсан тохиолдол 70 боллоо. 

Сэлэнгэ аймагт 10 тохиолдол шинээр бүртгэгдэж нийт 167, Дархан аймагт 2, нийт 35, Дорноговь аймгийн Айраг суманд нэг тохиолдол бүртгэгдлээ. Харин Орхон, Говьсүмэр аймагт нэмж бүртгэгдээгүй. Манай улсад батлагдсан дотоодын халдвар 318 болсон байна. 

Өчигдөр мөн зөөвөрлөгдөн орж ирсэн Тир машины 4 жолоочоос коронавирусний халдар илэрсэн. Монгол Улсад бүртгэгдсэн нийт тохиолдол 760 хүн боллоо" гэлээ.

Б.Баатар