Эрүүл мэндийн яамнаас ээлжит мэдээллээ хийлээ.

ХӨСҮТ-ийн Тандалт, судалгааны албаны дарга А.Амбасэлмаа “Энэ сарын 28-нд нийт 9513 хүнд PCR шинжилгээ хийснээс 24 хүнд халдвар илэрсэн. Нэг нь тийр машины жолооч. Тэрбээр энэ сарын 16нд Монголд ирсэн. Ингээд давтан шинжилгээгээр халдвар илэрсэн.

Нийслэлд таван тохиолдол нэмж бүртгэгдэн нийт тохиолдлын тоо 75 боллоо. Шинээр нэмэгдсэн нь бүгд хавьтлууд байна.

Тодруулбал, Баянгол дүүрэгт нийт 21, Баянзүрхэд 23, Хан-Уулд долоо, Багануурт нэг, Чингэлтэйд нэг, тохиолдол бүртгэгдээд байна.

Харин Архангай аймагт хоёр, Орхонд 22, Сэлэнгэд 174, Дархан-Уул аймагт 44, Улаанбатарт 75, Говьсүмбэрт гурав, Дорноговь аймагт 21 дотоодын нийт халдварын тоо 341, зөөвөрлөгдсөн тохиолдол 383 боллоо.

Өнөөдөр долоон хүн эдгэрсэн.

Монгол Улсад бүртгэгдсэн халдварын нийт тохиолдол 784 болсон. Үүнээс 354 иргэн эдгэрсэн. Ажиглалтад 31, гэрийн ажиглалтад нэг хүн байна" гэлээ.

А.Сүх