ДЭМБ зөвшөөрөөгүй оношлуураар иргэдийг оношилж байгаа талаарх мэдээлэл цахимаар тарсан. Мөн Эрүүл мэндийн сайдыг цар тахлыг далимдуулан 18 тэрбумын үнэтэй төхөөрөмжийг авсан ч тэр нь ажиллагаагүй тухай шуугьж буй.
Энэ талаар Эрүүл мэндийн сайд Т.Мөнхсайхан “ДЭМБ бүртгээд зах зээлд ямар үнээр худалдаалах, хөгжиж буй буурай орнуудад ямар үнээр нийлүүлэхээ хүртэл тогтоогоод өгчихсөн оношлуурыг чанарын шаардлага хангахгүй гэж буй нь өрөөсгөл юм.
Мөн 18 тэрбумын үнэтэй төхөөрөмжийг цар тахлыг тохиолдуулан худалдан авсан гэсэн мэдээллийг сайн ойлгоогүй.
Намайг сайд болсны дараа ийм худалдан авалт огт хийгээгүй. ДЭМБ-аас цахим эрүүл мэнд төслийг хэрэгжүүлж, 2018 онд цахим худалдаа зохион байгуулах тендерийн хороо байгуулсан байдаг.
2020 оны зургаадугаар сард тендерийн сонгон шалгаруулалт болоод дууссан. Миний хувьд үүнээс хойш буюу долоодугаар сард сайдаар томилогдсон. Намайг ямар нэгэн байдлаар холбох гээд уялдаа холбоо хайгаад байх шиг.
Ямар үндэслэлтэй юм, өөрсдөд нь ямар ашиг сонирхол байгааг үнэхээр ойлгохгүй байгаа. Тиймээс хууль хяналтын байгууллагаар шалгуулахаар болсон” гэв.
У.Тэргэл
Сэтгэгдэл (15)