Японы жүдо бөхийн шигшээ баг нь “Токио 2020” Олимпд эх орноо төлөөлөн оролцох 14 жингийн 13 тамирчдын нэрсийг энэ оны хоёрдугаар сарын 27-нд зарлан бэлтгэлээ эхлүүлээд байсан. Харин эрэгтэйчүүдийн 66 кг-ийн ангилалд 23 настай 2017, 2018 онуудын дэлхийн аварга Абэ Хифүми болон 27 настай 2019 оны дэлхийн аварга Жоширо Маруяама нарын аль нэгийг сонгож чадалгүй халз барилдаан товлоод байсан билээ.
Халз барилдаанаас өмнө тэд нийтдээ 7 удаа албан ёсны тэмцээн дээр нүүр тулсан байсан бөгөөд 4:3-ын харьцаагаар Жоширо Маруяама тэргүүлж байв.
Тэгвэл өнөөдөр буюу арванхоёрдугаар сарын 13-ны өдөр манай улсын цагаар 15:30 минутаас Японы Токио хот дахь Кодокан ордонд тус тамирчдын хооронд хаалттай халз барилдаан болж 24 минутын хүч шавхсан хүнд тулааны эцэст нэмэлт цагт дэлхийн хошой аварга Абэ Хифүми “o uchi gari throw” буюу дагуулж хутгах мэхээр Ваза ари үнэлгээ авч өрсөлдөгчөө буулган авснаар Японы жудо бөхийн шигшээ багийн “Токёо 2021” Олимпын наадамд эх орноо төлөөлөн оролцох сүүлчийн тамирчнаар сонгогдлоо.
Ингэснээр энэ оны долдугаар сарын 25-ны өдөр өөрийн төрсөн дүү болох жүдо бөхийн эмэгтэйчүүдийн 52 кг-ийн ангиллын дэлхийн хошой аварга Абэ Утагийн хамтаар анхны Олимпын дэвжээн дээрээ зодоглохоор боллоо.
Б.Жаргал
