Энэ сарын 1-6-ны өдрүүдэд цахимаар зохион байгуулагдсан Дэлхийн Шатрын Холбооны 91 дэхь Конгресс дээр Их мастер цолны 3 нормын болзол биелүүлээд байсан Орхон аймаг, Эрдэнэт хотын уугуул, "Дагшаахүү" шатрын клубын тамирчин, 33 дугаар сургуулийн сурагч ОУМ Д.Батсүрэн шатрын Их Мастер цол хүртэхээр болжээ.
Тэрбээр өнгөрөгч арваннэгдүгээр сарын байдлаар Дэлхийн Шатрын Холбооны стандарт гадаад чансаа бодолтоор гадаад чансаагаа 23.2-оор нэмэгдүүлж гадаад чансаа 2500 давсан амжилтаар шатрын спортын ноён оргил болох ИХ МАСТЕР цол хүртэх нь батлагджээ. Ингэснээр Д.Батсүрэн Монгол Улсын эрэгтэйчүүдийн 8 дахь Их мастер цолтон болж, Монгол Улсын хамгийн залуудаа шатрын спортын Их мастер цолонд хүрсэн тамирчны рекорд амжилтыг 16 насаар шинэчлэн тогтоож байна.
Сэтгэгдэл (2)