Доха Мастерс 2021 тэмцээний эхний өдөр (1-р сарын 11) эрэгтэйчүүдийн -60кг, -66кг, эмэгтэйчүүдийн -48кг, -52кг, -57кг-ын хэсгийн шатны барилдаанууд болж өндөрлөлөө. Эхний өдөр манай улсаас:

-48кг жинд МУГТ М.Уранцэцэг, ОУХМ Г.Наранцэцэг

-52кг жинд ОУХМ Б.Хорлоодой, ОУХМ Л.Сосорбарам

-57кг жинд МУХБ, МУГТ Д.Сумъяа

-60кг жинд МУГТ Д.Амартүвшин, ОУХМ Л.Өнөболд

-66кг жинд ОУХМ Г.Хэрлэн, ОУХМ Ё.Басхүү

Гэсэн нийт 9 тамирчин барилдсанаас хүрэл медалийн төлөө МУГТ М.Уранцэцэг Францын Мелани Клемантай барилдах бол -66кг жинд ОУХМ Г.Хэрлэн ОХУ-ын Арам Григоряаны эсрэг барилдана. Медалийн төлөөх барилдаанууд манай улсын цагаар 22:00 минутаас эхэлнэ.

Мөн өнөөдрийн хэсгийн шатны хамгийн онцлох барилдаан -48кг жингийн дэлхийн аваргууд болох Японы Фуна Тонаки болон Украины Дарья Билодид нарын хооронд хагас шигшээ шатанд өрнөж Ваза-ари үнэлгээгээр Фуна Тонакигийн ялалтаар өндөрлөсөн. Энэхүү барилдааны өмнө Фуна Тонакигийн хувьд 4 удаа дараалан Д.Билодидод ялагдаад байсан билээ.

Б.Жаргал