Улсын Ерөнхий прокурорын газраас өнөөдөр мэдээлэл хийж, 2020 онд Нийслэлийн прокурорын газраас хяналт тавьж ажилласан дуулиант хэргүүдийн талаарх мэдээллийг өгөв.

Тухайлбал, ЗГХЭГ-ын дарга асан С.Баярцогтын дөрвөн тэрбум 10 сая төгрөг, үл хөдлөх гурван хөрөнгийг нь хураах болсон.

Мөн шүүхээс эрх мэдэл, албан тушаалын байдлаа урвуулан ашиглаж бусдад давуу байдал олгосон хэрэгтээ шүүхээс ял сонсоод байгаа Ерөнхий сайд асан С.Баярын таван тэрбум 580 сая төгрөг, нэг тэрбум 97 сая төгрөгийн үл хөдлөх хөрөнгө хураах, С.Баяртай хамт мөнгө угаах гэмт хэрэг үйлдсэн Ч.Даваанямын нэр дээр бүртгэлтэй АНУ-ын Нью-Иорк дахь таван тэрбум 766 сая төгрөгийн үл хөдлөх хөрөнгийг хураахаар болсныг мэдээллээ.

У.Тэргэл