2021 оны Монгол Улсын Ерөнхийлөгчийн сонгуульд МАН, АН хоёр эн тэнцүү өрсөлдөнө. Харин хэн бэ гэдэг нь анхаарал татаж байгаа юм. МАН-ын Ерөнхий нарийн бичгийн дарга Д.Амарбаясгалан  гэхэд л намаас нь нэр дэвших боломжтой таван хүний нэрийг зарласан билээ. 

Үүнд, Монгол Улсын Ерөнхий сайд У.Хүрэлсүх, УИХ-ын дарга Г.Занданшатар, УИХ-ын гишүүн Сү.Батболд, Ерөнхий сайдын зөвлөх Ц.Нямдорж, УИХ-ын гишүүн асан Ө.Энхтүвшин юм. 

Эдгээрээс ихээхэн хэл ам дагуулж буй нь Сү.Батболд гишүүн юм. Тэрбээр “Намаас итгэл хүлээлгэвэл Ерөнхийлөгчийн сонгуульд өрсөлдөн хариуцлага үүрэхэд бэлэн” гэдгээ зарлачихсан.

Гэвч түүнийг оффшор данстай холбоотой асуудлаар АТГ шалгаж эхэллээ, олон  улсын байгууллага гадаад дахь олон тэрбумын үнэтэй хаусуудыг нь ил болгов, “Оюутолгой”-н авлигын хэрэг” гэх мэдээлийг ар араас нь цацаж  эхэлсэн.

Харин Нийслэлийн прокурорын газрын Ерөнхий прокурорын орлогч Ц.Насанбат “Оффшор бүсэд хууль бус хөрөнгөө байршуулсан иргэдтэй холбоотой хэргийн хэрэг бүртгэлтийн ажиллагаа үргэлжилж байгаа. Олон хүнтэй холбоотой асуудлыг шалгаж байгаа учраас хугацаа шаардана. Харин Сү.Батболд гишүүнийг шалгасан, харин яллагдагчаар татсан асуудал байхгүй” гэв.

У.Тэргэл