Баянзүрх дүүргийн Онцгой комиссын шуурхай штабын дарга Г.Жаргалсайхан Баянзүрх дүүргийн 17 дугаар хороонд хэсэгчилсэн хөл хорио тогтоохтой холбогдуулан мэдээлэл хийлээ.

Тэрбээр "Эрүүл мэндийн байгууллагаас ирүүлсэн санал, заавар, зөвлөмжийн дагуу Баянзүрх дүүргийн онцгой комиссоос шийдвэр гарч, Баянзүрх дүүргийн 17 дугаар хорооны нутаг дэвсгэрийг хэсэгчлэн хааж, хүн амыг коронавирусний шинжилгээнд хамруулахаар болсон.

Үүнтэй холбоотойгоор нэгдүгээр сарын 14-ний өглөөний 06 цагаас нэгдүгээр сарын 16-ны 23 цаг хүртэл тус хорооны нутаг дэвсгэрийг хэсэгчлэн хаахаар боллоо.

Энэ хугацаанд хорооны нутаг дэвсгэр дээр дөрвөн том шинжилгээний байр ажиллана. Тодруулбал, 79 дүгээр сургуулийн ахлах сургууль, хорооны иргэний танхим, 21 дүгээр худагтай гудамжинд зөөврийн шинжилгээний байр, иргэдийн нэрлэж заншсанаар сайжруулсан гудамжинд шинжилгээний байрыг байршуулж, иргэдээс шинжилгээ авахаар боллоо" гэв.

Б.Баатар