УИХ-ын гишүүн асан, “Монос”-ын гэх Л.Эрдэнэчимэг 2020 оны арванхоёрдугаар сарын  1-ний өдөр “Монос нь Английн Астразенека эмийн үйлдвэрийн Монгол дахь албан ёсны ганц төлөөлөгч юм.

Тэдний хийсэн “COVID-19”-ийн эсрэг вакцин хамгийн хямд бөгөөд хадгалах нөхцөл энгийн. Манайхыг захиалгаа өг гэв. Бид Монгол Улсын нэрийн өмнөөс захиалгыг өгөх ёстой болоод байна” хэмээн жиргэж байсан билээ.

Харин тэрбээр нэг сар хагасын  дараа буюу 2021 оны нэгдүгээр сарын 12-ны өдөр “Засаг яг вакцинаа захиалсан юм уу. Би ч захиалга хийгээд хөөцөлдөөд завгүй л байна. Covax д найдаад сууж болохгүй шүү дээ. Монгол бол африк биш хэмээн” жиргэжээ.

Монгол Улсын Шадар сайд Я.Содбаатар “Коронавирусний эсрэг вакциныг Монголд оруулж ирэхэд хувийн хэвшлийнхэн сэтгэл гаргаасай,тэдний дэмжлэг тусламж одоо л хэрэгтэй байна” гэдгийг онцолж байсан.  Ямартай ч, коронавирусний эсрэг вакциныг Монголд оруулж ирж, ард иргэдийнхээ эрүүл энхийн төлөө тэмцэлд төр, засаг, хувийн хэвшил, тэр дундаа “Монос”-ынхон гар бие оролцож байгаад монголчууд талархахаас аргагүй.

У.Тэргэл