Шүүхийн тухай хуулийн шинэчилсэн найруулгын төслийг өнөөдөр үргэлжлүүлэн хэлэлцэж байна.

Энэ үеэр УИХ-ын гишүүн Б.Энхбаяр “Бид судалгаа шинжилгээ, өнгөрсөн алдаа сургамж, нөхцөл байдалдаа тулгуурлаад урагшаа харсан. Хөгжил рүү чирсэн сайн хууль гаргахыг хичээж байгаа. Хууль гаргах нэг хэрэг. Б.Чимид  хуульч хэлсэн байдаг. Хуулийг хүн хэрэгжүүлдэг шүү гэж. Хэчнээн сайн хууль байгаад шаардлагад нийцэхгүй, мөн чанарыг ойлгохгүй өөрийн явцуу сонирхоллд хөтлөгдөн, одоо болж байна гэж боддог ийм шүүгчид энэ хууль ихээхэн саад болно.

Энэ хуулийн сайн үр дүн ирэх 5-10 жилийн дараа бодитой мэдрэгдэж эхэлнэ. Хараат бус ШЕЗ, хараат бус Сахилгын хороог байгуулсан учраас шүүгчдийн сахилга хариуцлага чамбайрах ёстой. Улсын Дээд шүүхийн шүүгч УИХ дээр орж ирж бүх амьдралаа шүүлгэнэ. Хар бараан зүйлээ шүүлгэнэ. Тиймээс шүүгч болох гэсэн хүмүүс энэ талаар сайн бодох хэрэгтэй байх” гэлээ.

У.Тэргэл