Эрүүл мэндийн яамнаас шинэ төрлийн коронавирусний халдварын талаарх ээлжит мэдээллийг хийж байна. 

ХӨСҮТ-ийн Тандалт судлалын албаны дарга А.Амбасэлмаа "2021 оны нэгдүгээр сарын 13-нд ХӨСҮТ-ийн вирус судлалын лаборатори, ЗӨСҮТ-ийн вирус судлалын лаборатор, явуулын лабораториудад нийт 15889 хүнд PCR шинжилгээ хийхэд 10 хүнээс коронавирус илэрлээ. 

Тодруулбал, Дээрх тохиолдолууд нь Улаанбаатар хотод 9 тохиолдол нь "Ачтан" эмнэлэг"-ийн хавьтал хоёр хүн, Баянзүрх дүүргийн 17 дугаар хорооны батлагдсан тохиолдлын ойрын хавьталаас буюу гэр бүлийн долоо хүнээс халдвар илэрсэн байна. Харин нэг хүн нь Афганистанаас ирсэн энхийг сахиулагчаас халдвар илэрлээ. 

Улаанбаатар хотод бүртгэгдсэн тохиолдол 652 боллоо. Улсын хэмжээнд батлагдсан тохиолдол 1479 болсон байна. Үүнээс 909 хүн нь эдгэрч, эмнэлгээс гарсан байна. 

Б.Баатар