Чингэлтэй дүүргийн цагдаагийн хэлстийн мөрдөн байцаагчид хүн нэг бүрээс 30 мянган төгрөг цуглуулан, 500 гаруй мянган төгрөгөөр  дүүргийнхээ прокуроруудад бэлэг өгсөн талаарх  мэдээлэл гарсан.

Тэд прокуроруудад тал засч, найр тавьсан нь ашиг сонирхлын зөрчилтэй гэдгийг иргэд хэлж, шүүмжилж байгаа юм. Харин ЦЕГ-ын Дотоод хяналт шалгалтын алба ямар учраас ийм арга хэмжээ зохион байгуулсныг  тодруулахаар Чингэлтэй дүүргийн цагдаагийн хэлтэст ажиллаж байгаа бол УЕП ч прокуроруудтай холбоотой эл асуудлыг нягталж, шалгаж эхэлсэн байна.

Ямартай ч, бэлэг, сэлт өгч авалцсан эл асуудлыг холбогдох байгууллагууд нь шалгаж, дахин ийм явдал гаргуулахгүйн тулд бүхий л арга хэмжээг авахаар болжээ.

У.Тэргэл