УИХ-ын өнөөдрийн үдээс хойшхи чуулганы хуралдаанаар Банкны тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн хуулийн төслийг хэлэлцлээ. Дараа нь Захиргааны ерөнхий хуульд нэмэлт, өөрчлөлт оруулах хуулийн төслийг хэлэлцэж байна.
Т.Аюурсайхан: Шүүхийн хууль хэлэлцэхэд Засгийн газрын шийдвэрийг шүүх хянан хэлэлцэхгүй гэдэг заалт орж ирээд унасан. Захиргааны хуулийн өөрчлөлтөд энэ чиглэлийн заалт орсон уу. Хууль настай байх ёстой. Аж ахуй эрхлэгч, иргэд, хууль хяналтын байгууллагын үйл ажиллагаатай уялдуулан шүүх дээр хянах боломж байгаа юу. Хуулийн төсөлд дээрх асуудал орсон уу. Засгийн газрын шийдвэрийг шүүх дээр хэлэлцэх боломж нь байх ёстой юу гэдэг дээр хариулт өгөөч.
Ажлын хэсэг: Монгол Улсад төрийн бүхий л байгууллагын үйл ажиллагаа шүүхийн хяналтад байгаа. Захиргааны хуулийн нэмэлт, өөрчлөлтийг дагаад зарим гуйвуулга байсан. Өнгөрсөн парламентын үед Засгийн газрын шийдвэрийг Захиргааны шүүх хэлэлцэх зүйтэй гэсэн шийдвэр гарсан учраас энэ чиглэлээр явна.
Т.Аюурсайхан: Шүүхийн тухай хуулийн хэлэлцүүлэг дээр ийм заалт ороод унасан. Гэтэл Захиргааны хуульд ийм заалт орчихсон гээд байгаа нь үнэн юм уу. Засгийн газрын шийдвэр бол улстөрийн шийдвэр. Сонгуулийн үр дүнд байгуулагдаж байгаа субъект учраас шийдвэрүүд нь улстөрийн шийдвэр байдаг. Тэгэхээр шийдвэр бүрийг нь шүүх хянахгүй гэдэг заалт зарчмын хувьд, үзэл баримтлалын хувьд байнгын хороо ч дэмжээгүй. Чуулган ч дэмжээгүй уг заалтыг энэ хууль руу чихэж оруулж болж байгаа юм уу.
Ийм заалт орж байгаа юм уу. Түүнийгээ хэл л дээ.
Улстөрийн шийдвэрийг шүүх хянахгүй гэдэг заалт оруулчихсан явж байгаа юм уу. Ингэж болох юм уу гэж асуугаад байна.
Ажлын хэсэг: УИХ-ын улстөрийн шийдвэрийг хэрэгжүүлэх зорилгоор Засгийн газраас гаргасан шийдвэрийг хянахгүй гэж байгаа. Улстөрийн шийдвэр гэдэгт нь төрийн гадаад, дотоод бодлогыг хэрэгжүүлэх эсвэл УИХ-ын тухайлсан шийдвэрийг салгаж болохгүй Засгийн газрын шийдвэрийг ойлгоно гэж 2019 оны тавдугаар сард өөрчлөлт орсон.
Засгийн газрхын гаргаж байгаа шийдвэр бүр улстөрийн шинжтэй. Дэд сайдыг томилох чөлөөлөх, Засгийн газрын үйл ажиллагааны хөтөлбөрөө хэлэлцэж батлах, хууль тогтоомжийг УИХ-д өргөн мэдүүлэх зэрэг улстөрийн шийдвэрүүдийг Захиргааны шүүх хянах боломжгүй.
Б.Лхам
