ХХААХҮ-ийн сайд З.Мэндсайхан цаг үеийн асуудлаар мэдээлэл өглөө.

Тэрбээр “Өнөөдрийн байдлаар зургаан аймгийн 77 суманд өвөлжилт хүндрэлтэй байна. Яамнаас НҮБ-ын дэргэдэх Хүнс, хөдөө аж ахуйн газартай хамтран зорилтот бүлгийн мянган өрхөд тэжээл хүргэж байна. Ингэхдээ 300 болон түүнээс доош малтай иргэдэд дэмжлэг болгох зорилгоор малын сувиллын болон хүчитгэсэн тэжээлээр хангахаар болсон.

Хүнс тэжээлийн тусламжид нэг тэрбум төгрөг зарцуулж байна.

Мөн оны өмнө ЖДҮ эрхэлдэг 112 ААН-ийг шалгаруулсан. ЖДҮ-ийн сангийн өөрийнх нь журам байдаг. Тухайн оных нь санхүүжилтэд багтдаг. Шалгарсан ААН-ийн 95 хувь нь санхүүжилтээ авсан.

Энэ онд ЖДҮХС-нд мөнгө төсөвлөгдөөгүй. Тиймээс зээлийн эргэн төлөлтүүдээр санхүүжүүлнэ гэж үзэж байна. Нөгөөтээгүүр, зээлийн батлан даалтын санд 70 орчим тэрбум төгрөгийн эх үүсвэр бий. Үүгээр ЖДҮ эрхлэгчдэд санхүүгийн дэмжлэг үзүүлнэ” гэлээ.

А.Сүх