Эрүүл мэндийн яамнаас шинэ төрлийн коронавирусний халдварын талаарх ээлжит мэдээллийг хийж байна. 

ХӨСҮТ-ийн Тандалт судлалын албаны дарга А.Амбасэлмаа "2021 оны нэгдүгээр сарын 15-нд ХӨСҮТ-ийн вирус судлалын лаборатори, ЗӨСҮТ-ийн вирус судлалын лаборатори, явуулын лабораториудад нийт 18487 хүнд PCR шинжилгээ хийхэд 21 хүнээс коронавирус илэрлээ. Тодруулбал, Улаанбаатарт 21 тохиолдол бүртгэгдсэн.

"Ачтан" эмнэлгийн голомтоос дөрөв, Баянзүрх дүүргийн ТҮК-ийн ажилчин зургаан хүнээс халдвар илэрсэн. Мөн Баянзүрх дүүргийн 17 дугаар хорооны урьдчилсан тандалт шинжилгээний явцад зургаан хүнээс халдвар илэрсэн.

Улаанбаатар хотын голомтод нийт 685 тохиолдол бүртгэгдлээ. Харин орон нутагт халдвар бүртгэгдээгүй" гэлээ. 

Харин дотоодын халдвар 1011 болсон бол Улсын хэмжээнд бүртгэгдсэн 1512 болсон байна. Үүнээс 909 хүн нь эдгэрч, эмнэлгээс гарсан байна. 

Б.Баатар