Коронавирусний халдвар амьсгалын замын өвчинтэй андуурагдах, улмаар иргэд олон нийтийн дунд халдвар тархаах өндөр эрсдэл байгааг ХӨСҮТ-ийн тандалт, судалгааны албаны дарга А.Амбасэлмаа анхааруулсан.

Тэрбээр "Ард, иргэд ханиад, томуутай, амьсгалын замын халдвартай байхдаа ажлаа хийж байна. Улмаар ажил үүргээ гүйцэтгэж байхдаа коронавирусний халдварт өртөж байна. Тийм учраас хүн бүр хичээж амны хаалт зүүх, бөөгнөрөлөөс сэргийлэх, гэртээ ариун цэврийн дэглэм сахихаас гадна ханиад хүрсэн, амьсгалын замын халдвартай байвал олон нийтийн дунд  явж болохгүй гэдгийг анхаарах хэрэгтэй байна. Өвдсөн үедээ олон хүнд үйлчилдэг, эмнэлгүүдээр явдаг байдлаа ард иргэд зогсоох шаардлагатай. Хэрэв амьсгалын замын өвчний шинж тэмдэг илэрвэл коронавирусний халдварын шинж тэмдэг байж болзошгүй. Тиймээс  эмнэлгийн байгууллагад хандахаас урьтаж утсаар мэдээлэл өгч, зөвлөгөө авах хэрэгтэй" гэв. 

Б.Баатар