УОК-ын Шуурхай штабаас цаг үеийн асуудлаар мэдээлэл өглөө.
ГХЯ-ны Консулын газрын дарга Л.Мөнхтүшиг "Өнгөрсөн хугацаанд тусгай үүргийн нислэг цуцлагдсантай холбогдуулан 100 орчим иргэнд санхүүгийн болон бусад тусламжийг үзүүлсэн. Гадаадад байгаа иргэдийн мэдээллийг Элчим сайдын яамдаараа дамжуулан байнгын авдаг. Энэ сард БНСУ руу хоёр удаагийн тусгай үүргийн нислэг үйлдэж 320 гаруй иргэнээ татан авна.
Харин хоёрдугаар сарын нислэгийн төлөвлөгөөний талаар саналаа ГХЯ-аас УОК-д хүргүүлсэн. Албан ёсоор зарлана.
Нутаг буцах хүсэлтэй иргэдийн тоо огцом нэмэгдлээ. Өнөөдрийн байдлаар 8434 иргэн эх орондоо ирэх хүсэлт ирүүлсэн. Үүнээс нэн яаралтай ирэх хүсэлтэй 2460 иргэн байна. ГХЯ-ны хувьд гадаадад байгаа иргэн бүрийнхээ төлөө сэтгэлээ чилээж, эх оронд нь авчрахаар ажиллаж ирсэн. Гэхдээ дотоодын нөхцөл байдал болон бусад асуудлуудтай уялдуулан шийдвэр гардаг гэдгийг хэлье.
Хилээ шат дараатай хаасны дараа агаарын болон автозамаар нийт 93 улсаас 28195 иргэнийг эх оронд нь авчраад байна” гэлээ.
Б.Лхам
