УОК-ын Шуурхай штабаас цаг үеийн асуудлаар мэдээлэл өглөө.
УОК-ын Шуурхай штабын дарга Б.Ууганбаяр "Гадаад улсаас иргэдээ татан авах ажиллагаа дотоодын нөөц боломжоос шалтгаалдаг. Өнөөдрийн байдлаар тусгаарлан ажиглах байрны бэлтгэлийг хангуулхахаар ажиллаж байна.
Нийслэлд 39 тусгаарлах байр ашиглаж бий.
Одоогоор 22 байранд 959 иргэнийг тусгаарлаж байна. Тандалт судалгаагаар хавьтал илэрсэн бусад иргэдийг тусгаарлан ажиглаж байна.
Өнгөрсөн хоёр, гурван удаагийн захиалгат нислэгээр ирсэн 630 иргэн тусгаарлагдаж байна. Мөн тусгай үүргийн нислэгээр ирэх иргэдтэй холбогдуулан зургаан байрны бэлэн байдлыг хангуулж ажиллаж байна.
Түүнчлэн тусгаарлах байрны камерын хяналтыг тагнуулын байгууллага хянаж ажиллаж байгаа. Үүгээр илэрсэн зөрчлийг тухай бүрд нь Шуурхай комисст ирүүлж байна" гэлээ.
А.Сүх
