Нэгдүгээр төрөхөд амаржсан ээжээс коронавирусний халдвар илэрсэн. Тэгвэл хавьтал болсон хүмүүсээс халдвар илэрсэн эсэх, болон халдвар авсан ээжээс нярайд халдвар тархаж байгаа эсэх талаар ХӨСҮТ-ийн Тандалт судалгааны албаны дарга А.Амбасэлмаа мэдээлэл өглөө. Тэрбээр "Нэгдүгээр төрөхөд амаржсан эхтэй хавьтал болсон ээжүүдээс болон эмнэлэгийн эмч, ажилчдаас шинжилгээ авсан. Одоогоор халдвар илрээгүй байна. 2020 онд ХӨСҮТ-д 21 эх амаржсан. 19 нь голомтот бүсээс ирсэн ээжүүд байсан. Коронавирусний халдвартай 4 ээж амаржсан. Ээжээс нярайд халдвар халдсан тохиолдол бүртгэгдээгүй. Энэ нь магадгүй ээжийн дархлаатай холбоотой. Мөн ээжүүдэд халдвар хамгааллын дэглэмийн талаар мэдээлэл өгсөн, ээжүүд дэглэмийг чанд барьсантай холбоотой байх. Мөн сүрьеэтэй, гепатитийн халдвартай 3 ээж амаржсан. Тэдэнд халдвар илрээгүй" гэлээ.
Б.Баатар