"Үнэн ба зөв" намын дарга А.Отгонбаатар УИХ-ын гишүүн Ш.Адьшаад зөвлөхөөр болжээ. Тодруулбал, УИХ-ын гишүүн Ш.Адьшаа А.Отгонбаатарыг зөвлөхөөрөө ажиллуулах тухай албан бичгийг УИХ-ын Ерөнхий нарийн бичгийн дарга Л.Өлзийсайханд хүргүүлсэн аж.
Тус албан бичигт А.Отгонбаатарыг 2021 оны хоёрдугаар сарын 1-нээс уг албан тушаалд ажиллуулах тухай дурджээ.
УИХ-ын гишүүн Ш.Адьшаагийн туслах МҮОНРТ-ийн Үндэсний зөвлөлийн гишүүн болсон учир ийнхүү А.Отгонбаатарыг тус албанд томилуулах санал гаргасан аж.
Харин зарим иргэд түүнийг өчигдөр буюу нэгдүгээр сарын 20-нд болсон жагсаалд идэвхтэй оролцож, УОК, Эрүүл мэндийн яамны удирдлагуудыг огцрохыг шаардсан нь үр дүнгээ гаргасан учир ийнхүү дээрх албанд очих шалтгаан боллоо гэлцэж байна.
Б.Баатар
Сэтгэгдэл (5)