Хуурамч шатахууны түүхий эдэд онцгой албан татвар ногдуулах хуулийн төслийг УИХ-аар хэлэлцэж байна.

Энэ үеэр  салбарын хүн гэдэг утгаараа УИХ-ын гишүүн Ц.Анандбазар “ Африк, Монгол гэсэн хоёр улс л нефтийн дайвар бүтээгдэхүүн болох керосин, нафтог хэрэглэж байна. Эдгээрийг шатахуунд хольж, зах зээлд гаргаснаар улсын төсөв, ялангуяа иргэдэд ихээхэн хохирол учруулдаг.Хуурамч шатахууны улмаас иргэдийн  автомашин сайндаа л 1-2 жил яваад л эвдэрдэг. Улсын төсөвт жилд 63 тэрбумын шууд хохирол учруулдаг. Гишүүд та бүхэн ч өөр дээрээ бодох хэрэгтэй. 

Автомашинууд чинь богино хугацаанд эвдрээд, хөдөө гадаа явж байхад хөлдөөд зогсдог зэрэг нь үүнтэй холбоотой. Хил, гаалиар яагаад оруулж ирээд байгааг, одоог хүртэл арга хэмжээ авахгүй байгаад нефть импорлогчид гайхдаг. Өнөөдрийн байдлаар нафто 190 мянган тн хэдийнэ ороод ирсэн байна. Энэ нь гэмт хэрэг шүү. Энэ талын лобби их. Би ЭЦГ-т энэ асуудлаар хандсан, шалгаагүй. МХЕГ, ШӨХТГ-д хандсан юу ч шийдээгүй. НИК –ээс том зах зээлийг эзэлдэг болсон шүү. Учир нь, 100-200 төгрөгөөр хямд учраас иргэд түүнийг нь сонгож байна. Гадна, дотнын том лоббитой энэ гэмт хэргийг таслан зогсооход төр энэ удаад чанга хандмаар байна” гэлээ.

У.Тэргэл