Коронавирусний цар тахалтай холбоотойгоор Улаанбаатар хотод зарим салбарын үйл ажиллагааг түр хязгаарлаад байгаа билээ. Тэгвэл маргаашаас буюу нэгдүгээр сарын 23-ны өдрөөс дараах салбарын үйл ажиллагааг нээхээр болсон байна. Тодруулбал 

Бүх төрлийн барааны худалдаа, үсчин, гоо сайхан, хумс заслын үйлчилгээг хязгаарлалтаас гаргаж, хэвийн горимд шилжүүлэхээр Нийслэлийн Засаг даргын захирамж гарчээ.

Үйл ажиллагаа нь нээгдэж буй аж ахуй нэгжүүд мэргэжлийн байгууллагуудаас хүргүүлсэн түр заавар, үйл ажиллагаанд баримтлах тусгай шаардлагыг мөрдөж ажиллахыг үүрэгдсэн байна.

Мөн иргэд халдвар, хамгааллын дэглэмээ сахиж, зорчилт хөдөлгөөний QR бүртгэл ашиглан үйлчлүүлэх шаардлагатай юм. 

Өндөржүүлсэн бэлэн байдлын зэрэгт үйл ажиллагаа явуулж буй ААН-үүдэд холбогдох хяналтын байгууллагууд тогтмол шалгалтын ажиллагаа явуулах бөгөөд шаардлага хангахгүй тохиолдолд үйл ажиллагааг зогсоох хүртэл арга хэмжээ авахыг НОК-оос сануулжээ. 

Р.Алтан