НЗДТГ-аас өнөөдрөөс эхлэн үсчин, гоо сайхан, хумс засал, бүх төрлийн худалдааны үйлчилгээг нээж байгаатай холбоотойгоор мэдээлэл хийх үед НОБГ-ын Гамшгийн шуурхай удирдлагын нарийн бичгийн дарга Д.Оюунбат: “Нийслэлд хөл хорионд  орсон орон нутгийн иргэдийг буцаах чиглэлд орон нутгийн онцгой комиссуудтайгаа хамтарч ажиллаж байна.

21 аймгаас ирүүлсэн хамгийн сүүлийн үеийн мэдээллээр, 7500 иргэн Улаанбаатарт байна. Эдгээр иргэнийг цагийн хуваарь гарган, PCR шинжилгээнд хамруулж, аймаг аймагт нь хүргүүлэх ажлыг зохион байгуулж байна.

Хэрэв шинжилгээний хариу сөрөг гарсан тохиолдолд хувийн унаагаар нь, хувийн унаагүй бол нэгдсэн унаа гаргаж өгч явуулна” гэлээ.

У.Тэргэл