Өдгөөгөөс нэг жил гаруйн өмнөөс нийслэлчүүд цар тахлын улмаас өндөржүүлсэн бэлэн байдал, хатуу хөл хорионд байж ирсэн. Энэ хариуцлагатай үеийг иргэд ухамсартайгаар дөгөж мөрдөж ирснийг хэлэхэд нэн таатай байна. УОК “Нэг хаалга-нэг шинжилгээ”-г арав гаруй хоногт өрх бүрээс авч чадсанаар халдварыг ерөнхийд нь хумьсан талаараа хэлж байгаа. Мөн өнөөдрөөс вакцинжуулалтыг албан ёсоор эхлүүлж байгаа тул хатуу хөл хориог цуцалж, нийслэлчүүд хэвийн амьдралдаа эргэн орлоо.

Нам гүм байсан нийслэл өнөөдөр “амь” орж, түм түжигнэж, бум бужигнаж байна. Бухимдал төрүүлдэг байсан автомашины түгжрэл,  хавар бүрд идэвхждэг жагсаал, цуглаан, гудамжаар сүлжих иргэдийн хөдөлгөөн. Энэ бүгдийг ихэд санаж, үгүйлжээ. Харин одоо амны хаалтаа зүүн, ариун цэврийг сахиж, хүн хоорондын зайгаа барьснаар коронавирусний халдварыг нэгмөр дарж авахын тулд дор бүрдээ хичээцгээе.

У.Тэргэл