Ерөнхий сайд Л.Оюун-Эрдэнэ ААН-үүдийн үйл ажиллагаатай танилцаж байна. 

Тэрбээр энэ үеэр "Өнөөдөр эдийн засаг -6 хувийн агшилттай байна. 70 орчим ажлын байр байхгүй болсон. Ихэнх нь үйлчилгээ, сургалтын салбар, жижиглэнгийн бараа зардаг иргэд өртсөн байна. Тиймээс агшсан эдийн засгаа сэргээлийн тулд 12 хоногийн хугацаанд “Нэг хаалга- нэг шинжилгээ”-г зохион байгуулсан. Улмаар 122 тохиолдлыг илрүүлээд байна.

Вакцинжуулалт эхэлж байгаа учраас цаашид халдвар хамгааллын дэглэмээ ягштал барьж чадвал энэ хамгийн сүүлийн хөл хорио байхыг үгүйсгэхгүй.

Бизнес нээгдэж байна. Одоо зээлүүд гарч эхэлнэ. ААН-үүд бизнесээ идэхвжүүлж эхэллээ. Удахгүй хилээ нээнэ. Томоохон хэлцлүүд хийж байгаа хүмүүст хэрэв вакцинд хамрагдсан бол хилээр зорчих эрхийг нь нээж өгнө. Уян хатан бодлого тавина. Өнөөдрөөс эхлэн караоке, диско бар зэргээс бусад үйл ажиллагаанууд нээгдэж байна.

Мөн жилийн 3 хувийн хүүтэй зээл олгож эхэлнэ. Нөгөө талаар Төв банкинд байгаа 8 их наяд төгрөг эргэлтэд орж байж эдийн засаг идэвхжилд орно. Үүнд нь Засгийн газар дэмж үзүүлэхийг хичээж байна. Өнөөдөр фитнесс, худалдаа үйлчилгээний байгууллагууд нээгдэж байна.

Маргааш Хархорин, Нарантуул зэрэг захуудад очиж, халдвар хамгааллын дэглэмийг хэрхэн сахиж байгаатай газар дээр нь танилцана. 

Үүнээс цааш хэсэгчилж хаана. Хэрэв УОК-оос өгсөн зааврыг дагаж мөрдвөл бизнес хэвийн үргэлжилнэ. Бүгд биднээс хамаарна. Иргэддээ хандаж хэлэхэд вакциндаа идэвхтэй хамрагдаарай гэж уриалъя. Вакциныг таслахгүй байхад Засгийн газар анхаарч ажиллана” гэлээ.   

А.Сүх